BE: Aeroplanët të furnizohen me karburant në mënyrë më miqësore me mjedisin

Ilustrim, Pixabay

Nga viti 2025, avionët do të duhet të furnizohen me karburant në një mënyrë më miqësore me mjedisin. Për të filluar, dy për qind e karburantit duhet të jetë i qëndrueshëm.

Deri në vitin 2050, 70% e karburantit të ofruar në aeroportet e BE-së duhet të jetë miqësor me mjedisin. BE-ja po bën një hap përpara në mbrojtjen e klimës, shkruan SRF.

Lëndët djegëse të qëndrueshme përfshijnë, për shembull, ato të prodhuara nga mbetjet organike, vajin e përdorur për gatim, por edhe lëndët djegëse të prodhuara në mënyrë sintetike.

Nga viti 2025, fluturimet do të shënohen edhe me një etiketë mjedisore në mënyrë që pasagjerët të mund të krahasojnë më mirë ndikimin mjedisor të fluturimeve të ndryshme, përcjell albinfo.ch.

Në të njëjtën ditë, BE miratoi një direktivë të re, sipas së cilës energjitë e rinovueshme duhet të përbëjnë 42.5% të konsumit total të energjisë në BE. Vitin e kaluar proporcioni në Gjermani ishte 20.4%.