A duhet avokat për të marrë leje pune apo shtetësi zvicerane?

(KEYSTONE/Christian Beutler)

Ka një sërë reklamash në internet nga firma ligjore që ofrojnë ndihmën e tyre për marrjen e një leje pune, apo edhe shtetësinë, në Zvicër.

Për shembull, një firmë ligjore reklamon shërbimet e saj duke premtuar se do të ndihmojë të huajt “në marrjen e lejes së dëshiruar apo edhe nënshtetësisë së Zvicrës”.

Nëse jeni të njohur me rregullat zvicerane të imigracionit, duhet të jeni skeptik për reklamat që firmat ligjore bëjnë në internet.

Firmat ligjore ofrojnë vetëm informacione rreth llojeve të ndryshme të lejeve të punës zvicerane, ndihmë në aplikimin në emrin tuaj dhe dorëzimin e dokumenteve te autoritetet e imigracionit – pothuajse gjithçka që mund të bëni vetë.

Tani, nëse jeni shumë i zënë për t’u përfshirë vetë, ose nuk jeni të sigurt se si ta përfundoni procesin, atëherë sigurisht që mund t’ia delegoni këtë detyrë një avokati imigracioni dhe të paguani për këto shërbime.

Por duhet të dini se asnjë avokat, sado i zoti, nuk ka mundësi të marrë një leje apo shtetësi për ju.

Gjithashtu mbani në mend se çdo informacion që një avokat do t’ju japë në lidhje me procesin e aplikimit dhe formalitetet e tjera, është i disponueshëm lehtësisht, falas, nga faqja e internetit e Sekretariatit Shtetëror për Migracionin (SEM), shkruan The Local.

1. Si përfundim, ju nuk keni nevojë për avokat për të aplikuar për leje/shtetësi, por opsioni për të punësuar një është aty, nëse kjo është ajo që dëshironi të bëni.