Rama, i befasuar me heshtjen e BE-së pas kërcënimeve të Dodikut ndaj Kosovës

Keystone (AP Photo/Franc Zhurda)

Millorad Dodik, kreu i “Republika Srbska”, ka thënë se serbët që jetojnë në Ballkan duhet të bashkohen në një shtet, duke pretenduar se kjo mund të bëhet “me masa politike, jo me luftë”, përcjell albinfo.ch.

Ndaj kësaj deklarate ka reaguar Kreyministri i Shqipërisë, Edi Rama.

“Kanë kaluar tri ditë që nga deklaratat e rrezikshme dhe nxitëse kundër Bosnjë e Hercegovinës, Kosovës dhe Malit të Zi. Duhet të rrëfej, jam i befasuar nga mungesa e reagimit të deritanishëm nga partnerët tanë të BE-së dhe sinqerisht shpresoj që kjo heshtje të thyhet sa më shpejt!”, ka shkruar Rama, përcjell albinfo.ch.