Zvicra do të shkëmbejë të dhënat e pasagjerëve ajror me vendet e BE-së 

(KEYSTONE/Anthony Anex)

Këshilli Federal i Zvicrës miratoi të mërkurën një mandat negociues për një marrëveshje e cila në të ardhmen do të shkëmbejë të dhënat e pasagjerëve ajror me vendet e BE-së.

Një marrëveshje e tillë do të ndihmojë në përmirësimin e shkëmbimit të informacionit në bashkëpunimin policor, njofton Këshilli Federal në një deklaratë, transmeton albinfo.ch.

Përveç kësaj, ajo duhet të mbrojë Zvicrën si një vend biznesi dhe të sigurojë sigurinë e brendshme në zonën Shengen. Do të përdoren të dhënat që pasagjerët japin gjatë rezervimit: Emrat, detajet e kontaktit dhe itinerari.

Ky informacion është një mjet i rëndësishëm në luftën kundër terrorizmit ndërkufitar dhe krimit të organizuar, shkruan Këshilli Federal. Rreth 70 vende e kanë futur tashmë një sistem të tillë, duke përfshirë të gjitha vendet anëtare të BE-së, përcjell albinfo.ch. Hapi tjetër do të jetë konsultimi me komitetet e politikës së jashtme të këshillave federale dhe të Konferencës së Qeverive Kantonale