Vizita e Bill Klinton në Bernë

Bill Clinton, FB

Ishte një ngjarje e madhe për rreth 400 të ftuarit që erdhën në Kursaal në Bernë të shtunën në mbrëmje me veshje gala. E gjithë vëmendja ishte përqendruar te i ftuari special.

Klinton doli në skenë në orën 18:45 dhe u ul pranë prezantuesit të SRF, Urs Gredig. 50 minuta më vonë ai u largua përsëri.

Klinton, si të gjithë presidentët aktualë dhe ish-presidentët amerikanë, ruhet nga Shërbimi Sekret që qëndruan në mënyrë diskrete në të gjitha cepat e dhomave në Bern Kursaal, shkruan 20minuten.

Klinton dukej të ishte në humor të mirë dhe i relaksuar kur Gredig e pyeti për rezultatin e zgjedhjeve të ardhshme presidenciale në SHBA. “Unë mendoj se Biden do të zgjidhet”, tha ish-presidenti amerikan.

Konfliktet globale ishin tema kryesore – në Gaza si dhe në Ukrainë. Klinton foli për përpjekjet e atëhershme dhe tani që nuk duhet hequr dorë nga puna për zgjidhje të mira. Se bota është plotësisht e ndërlidhur dhe asgjë dhe askush nuk mund të ekzistojë më vete. Një zgjidhje duhet të gjendet edhe në Izrael. Qoftë me dy shtete apo jo. Por vazhdimi i vrasjes së njerëzve nuk është zgjidhje, përcjell albinfo.ch.

Ai foli edhe për atë që Zvicra arriti gjatë kohës së tij në detyrë në vitet 1990. Që bëri gjëra të mëdha në konfliktin e Kosovës dhe gjithashtu në bashkëpunim me SHBA-në në zbardhjen e krimeve naziste, me krijimin e një komisioni hetimor.