Në këto rajone ka rrezik për reshje të dendura shiu

unsplash

Derisa një front i ngrohtë do të lëvizë në gjithë Zvicrën të hënën, fronti tjetër i ftohtë do të arrijë të martën. Kjo siguron mot të lagësht dhe të paqëndrueshëm. Ekziston rreziku i reshjeve të konsiderueshme në Zvicrën perëndimore, Valais dhe gjithë shpatin verior të Alpeve. Qeveria federale paralajmëron për nivelin 3 të rrezikut në këto rajone, shkruan Blick.

Siç shkruan Meteo Switzerland, nga 100 deri në 150 milimetra reshje mund të bien brenda 78 orëve. Në këto zona duhen shmangur brigjet e lumenjve dhe përrenjve në male.

Ndërsa të hënën në male priten temperatura deri në 16 gradë dhe diell, Zvicra do të përjetojë një fazë intensive reshjesh nga e marta deri të mërkurën në drekë. Nga e mërkura kufiri i reshjeve të borës mund të bjerë sërish në 1300 metra, përcjell albinfo.ch.