Trajneri i Kosovës flet për barazimin ndaj Zvicrës, Zhegrovën dhe kritikët

wiki

Trajneri i Kosovës, Primoz Gliha, ka folur me tone të larta pas barazimit 1-1 ndaj Zvicrës dhe “shuarjes” së ëndrrës së “dardanëve” për kualifikimin në Evropian.

Duke folur për emisionin “Dardanët” në SuperSport/Digitalb, tekniku foli me ironi për kritikët e tij dhe personat që, sipas tij, duan të vendosin se kush duhet të luajë, përcjell albinfo.ch.

Ndërsa më tej, Gliha deklaroi se Edon Zhegrova nuk do të luajë me Kosovën, ndaj sipas teknikut, nuk është me ta, jo sepse nuk e lejon klubi.

Barazimi me Zvicrën: “Nga kjo ndeshje fituam pikën për shkak të Qeqa Krelanit, ajo më tha që kush duhet të luajë dhe ai që tha ajo, bëri gol, ajo më sugjeroi. Gjithë të mirat për Qeqën, por është e rrezikshme. Unë pranoj këshilla nga çdokush në Kosovë, edhe nga taksistët, nga kushdo. Mentaliteti është ajo që është më e rëndësishmja”.

I lumtur me barazimin: “Luajmë pa Rrahmanin, Rrashicën dhe Muriqin. Ne ndryshuam shumë lojtarë, por sot nuk ishte e gjithë skuadra. Zhegrova, për shembull, pati thënë që vjen për çdo ndeshje dhe nuk erdhi, se nuk donte të vinte. E ftova dy herë, me Andorrën dhe nuk erdhi, sërish nuk erdhi, por ai tha se klubi nuk e lejon, e vërteta është se ai nuk erdhi, se nuk dëshiron të vijë.”