Shpërthim me granatë dore në Veri

@albinfo.ch

Orët e para të së dielës në Veri të Mitrovicës është dëgjuar një shpërthim.

Zëvendësdrejtori i Policisë për këtë rajon, Veton Elshani, ka thënë për KOHËN se nga ky shpërthim nuk ka të lënduar.

Sipas tij, rasti ka ndodhur në rrugën “Perandori Dushan”, ndërsa janë shkaktuar dëme të vogla materiale në dritaret e një shtëpie.

“Rreth orës 01.00 dyshohet për shpërthim të një granate dore në rrugën “Perandori Dushan” në Mitrovicë të veriut. Dëme të vogla materiale në dritare të një shtëpie. Nuk ka lëndime në njerëz. Njësitet kompetente policore kanë dalë në vend të ngjarjes. Policia pas konsultimit me Prokurorin ka hapur rastin “shkaktim i rrezikut të përgjithshëm”, ka thënë ai, përcjell albinfo.ch.