Schaffhausen: Berisha, drejtor i përgjithshëm, Mehmedi, drejtor sportiv

Shqiprim Jimmy Berisha do të jetë drejtor i përgjithshëm në klubin zviceran

Si pjesë e një riorganizimi strategjik, ka ndryshime të ndryshme në nivel drejtues në FC Schaffhausen.

Shqiprim Jimmy Berisha do të jetë Kryetari i ri i Bordit të Drejtorëve (VRP) dhe CEO (Drejtor i Përgjithshëm). Kryetari i mëparshëm, Roland Klein, ka dhënë dorëheqjen nga Bordi i drejtorëve, por mbetet aksionari i vetëm i FC Schaffhausen AG, njofton klubi zviceran në rrjetet sociale, përcjell albinfo.ch.

Vendin e zbrazur më parë të drejtorit sportiv tashmë do ta marrë ish-futbollisti i Zvicrës, Admir Mehmedi.

Drejtori i ri, Jimmy Berisha, mezi pret detyrën e tij: “FC Schaffhausen është një klub tradicional që ka një infrastrukturë të madhe. Qëllimi ynë është të zgjerojmë më tej aftësitë e menaxhimit, të mbështesim financiarisht dhe më gjerësisht FC Schaffhausen dhe ta ankorojmë atë edhe më fort në qytet dhe rajon. Synimi prioritar dhe urgjent, si dhe baza për hapat e mëtejshëm, është përmirësimi i situatës sportive”. Berisha ishte së fundmi drejtor menaxhues i Grasshopper Club Cyrih.

 

---