Valbona, violinistja shqiptare e talentuar në Vjenë

Historia e jashtëzakonshme e Valbona Nakut, një violiniste e talentuar shqiptare, nga fëmijëria e saj në Shkodër deri në skenën ndërkombëtare në Vjenë.

Valbona Naku është violinistja shqiptare, që nga viti 1999 jeton në Austri, ku ka ndërtuar karrerën e saj të suksesshme.

Ajo krahas aktivitetit të saj artistik, është edhe pedagoge e Solfezhit, muzikës së sallës, orkestërs dhe violinës në konservatorin Prayner në Vjenë, transmeton albinfo.at.

Gjatë vitit 2024 ajo do të vazhdojë rrugëtimin muzikor me Wiener Barockorchester dhe Trio Nobilis Wien nga baroku në romantizëm. Një nga programet do t’i kushtohet Bethoven, një prej kompozitorëve më të famshëm të të gjitha kohëve.

Vlen të theksohet se Valbona është e specializuar në kompozimet e Beethoven-it.

Valbona ka lindur në Shkodër, ndërsa studimet ka përfunduar në Vjenë dhe ka një bagazh të madh si artiste. /Albinfo.at

---