Nyon: Hidhet shorti për fazën e eliminimit direkt në Ligën e Kampionëve

Në Nyon të Zvicrës sot është hedhur shorti për fazën e eliminimit direkt në garën më të madhe evropiane për klube Ligën e Kampionëve. Si rrjedhojë, 16 skuadra të mbetura në garë kanë mësuar emrat e kundërshtarëve në 1/8 e finales në Ligën e Kampionëve, përcjell albinfo.ch.

Skuadrat që kanë fituar grupet janë: Bayern Munich, Arsenal, Real Madrid, Real Sociedad, Atletico Madrid, Borussia Dortmund, Manchester City dhe Barcelona.

Nga vendet e dyta janë kualifikuar skuadrat si Copenhagen, PSV, Napoli, Inter, Lazio, PSG, RB Leipzig dhe Porto.

Ndër ndeshjet kryesore konsiderohen të jenë Inter – Atletico Madrid dhe Porto – Arsenal.

Manchester City do të përballet me danezët e Copenhagen, derisa Real Madridi përballet me RB Leipzig. Barcelona do të përballet me Napolin në këtë fazë, derisa Bayern Munich do të ketë ndeshet me Lazion.

Sfida të tjera përfshijnë PSV Eindhoven – Borussia Dortmund dhe PSG – Real Sociedad.