Kosova

Bazeli zyrtarizon transferin e futbollistes Krasniqi

E mërkurë, 3 Janar 2024 - 16:20 albinfo.ch

Anlass FC Basel 1893 Frauen

Klubi futbollistik zviceran FC Basel ka zyrtarizuar blerjen e futbollistes shqiptare, Qendresa Krasniqi.

Krasniqi është transferuar nga skuadra EP-Hajvalia.

Mesfushorja 29-vjeçare ka nënshkruar kontratë deri në verën e vitit 2026 me skuadrën e Baselit.

Krasniqi është futbolliste e Shqipërisë, ndërsa më herët disa ndeshje i ka zhvilluar edhe për Kosovën.

Në Zvicër ajo ka luajtur edhe Yverdoni dhe Aarau.

“Qëndresa është një lojtare sulmuese shumë e fortë teknikisht, e cila me cilësitë dhe stilin e saj kreativ të lojës mund të na çojë përpara dhe mund të na ndihmojë në situata për të shënuar. Ajo tashmë e njeh ligën dhe jam i sigurt se do të integrohet shpejt në ekip”, ka thënë shefi i klubit të Baselit për futbolliste, Theo Karapetsas.