Rita Ora flet për kohën kur prindërit e saj u detyruan të iknin nga Kosova

Këngëtarja me prejardhje nga Kosova, Rita Ora ka qenë e ftuar së fundmi në emisionin e njohur amerikan, “The View”, ku ka ndarë me audiencën detaje të rëndësishme nga jeta e saj personale dhe karriera e suksesshme.

Në këtë intervistë, Rita mes tjerash ka risjellë në vëmendje kohën kur ajo ishte 1 vjeç dhe familja e saj u detyruan të shpërnguleshin nga Kosova drejt Britanisë së Madhe.

“Dua të them, isha një vjeçe dhe prindërit e mi u treguan shumë të guximshëm, dhe unë jam falënderuese, sepse po të mos e bënin, me shumë mundësi nuk do të isha e ulur me juve në këtë tavolinë”, tha Rita Ora, duke shprehur një përshtypje të ndjeshme për vendimin e guximshëm të prindërve të saj për t’u shpërngulur në një vend të ri.

Në këtë rrëfim, Rita Ora ka shprehur mirënjohjen e saj për guximin dhe vizionin e prindërve, duke i konsideruar ato si hapat vendimtarë që i mundësuan asaj të shpërfaqej në skenën ndërkombëtare dhe të ndërtojë një karrierë të ndritur muzikore.

VIDEO:

https://youtu.be/h2hQ1UJOZ-g