Leverkuseni, drejt titullit, por Xhaka me ‘këmbë në tokë’

Mesfushori shqiptar thotë se ende nuk ka përfunduar asgjë

Bayer Leverkusen është dhjetë pikë para Bayernit kur kanë mbetur edhe dhjetë xhiro në Bundesligë. Leverkusen është i vetmi në Gjermani që nuk di për humbje në këtë edicion, transmeton albinfo.ch.

Granit Xhaka dha një intervistë për “ESPN”, ku pohoi se qëndron ende me këmbë në tokë, kjo edhe për shkakun se sezonin e kaluar, kur ishte pjesë e Arsenalit, ishte pothuajse në të njëjtën pozitë si “aspirinat” dhe në fund nuk arriti ta fitonte titullin kampion.

“Ne duhet të jemi krenarë për pozitën që kemi aktualisht, por nuk është fituar akoma asgjë. Po flas për eksperiencën time nga sezoni i kaluar. Ne kishim një diferencë të ngjashme pikësh me vendin e dytë tek Arsenal dhe në fund e humbëm titullin kampion. 10 pikë janë shumë, por të mos harrojmë që kanë ngelur edhe 10 ndeshje, pra 30 pikë të tjera në lojë”, është shprehur Xhaka.

 

---