25-vjeçarja i vodhi paratë dhe stolitë mërgimtarit me vlerë 20 mijë euro

Vjedhjet në Kosovë janë bërë shumë të shpeshta, qoftë në shtëpi, biznese e institucione financiare, transmeton albinfo.ch.

Kjo dukuri është mjaft shqetësues për qytetarët e Kosovës, që po shkaktojnë humbje e pasiguri.

Policia e Kosovës raporton një rast i tillë, jo fort i zakontë që kishte ndodhur në një motel, ku tani është arrestuar një personi i dyshuar (femër).

Sipas raportit të policisë, e dyshuara 25-vjeçare kishte vjedhur paratë dhe gjësendet me vlerë mërgimtarit me të cilin kishte qëndruar në një motel në Fushë-Kosovë, e cila tashmë ka rënë në prangat e policisë. Thuhet se ndaj saj janë ngritur dyshimet se në prill të vitit 2023, në motelin ‘Diamonds’ ia kishte vjedhur viktimës stolitë që kapnin vlerën e rreth 20 mijë eurove, paratë, telefonin e të gjitha dokumentet.

Policia në koordinim me Prokurorinë ka arritur të sigurojë edhe prova që dëshmojnë përfshirjen e të dyshuarës në rast.

Ndaj saj, Prokurori i Shtetit ka urdhëruar masën e ndalimit policor dhe ndërmarrjen e veprimeve të nevojshme brenda afatit ligjor. /Albinfo.ch