Qendrat zvicerane të azilit po përballen me rritje të numrit të incidenteve

(KEYSTONE/Christian Beutler)

Numri i incidenteve të lidhura me sigurinë në qendrat federale të azilit ka arritur një nivel të ri vitin e kaluar në Zvicër.

Numri i incidenteve është dyfishuar që nga viti 2020, duke u rritur nga 672 incidente atë vit në 1368 raste në vitin 2023, sipas disa shifrave zyrtare të publikuara nga NZZ am Sonntag.

Sekretariati Shtetëror për Migracionin theksoi se këto janë shifra absolute dhe se incidentet për një natë janë ulur.

Sipas raportimeve, incidentet e lidhura me sigurinë variojnë nga argumentet deri te ngacmimet dhe sulmet teksa autoriteti i migracionit ka raportuar se 70% e incidenteve janë shkaktuar nga azilkërkues nga Afrika e Veriut, transmeton albinfo.ch.

Ndryshe, kërkesat për azil nga ky rajon janë rritur ndjeshëm që nga viti 2021 dhe zakonisht refuzohen.