Kosovë: 50 euro dënim për këmbësorët që përdorin telefonin gjatë kalimit të rrugës

Policia e Kosovës ka njoftuar se me Ligjin e ri, këmbësorëve u është ndaluar përdorimi i telefonave dhe dëgjueseve në vesh, kur e kalojnë rrugën, shiritin, shtegun e biçikletave ose binarët. Mosrespektimi i kësaj rregulle ndëshkohet me gjobë 50 euro.

Ndërkohë, edhe shoferëve u është bërë thirrje që gjatë kohës së drejtimit të mos mbajnë telefonin në dorë dhe pajisje të tjera, të cilat do ta zvogëlonin mundësinë e reagimit dhe drejtimit të sigurt të mjetit.

Mosrespektimi i kësaj rregulle ndëshkohet me gjobë nga 100 deri në 500 euro, pikë negative e ndalesë në drejtim të mjetit motorik.

“Mos përdor telefonin dhe mjete të tjera hutuese përderisa jeni pjesë e trafikut!

Mos rrezikoni jetën tuaj dhe të të tjerëve”, thuhet në njoftimin e policisë.