Taravari u fokusua në rëndësinë e diasporës në proceset politike të Maqedonisë së Veriut, duke theksuar se ata kanë qenë një forcë e rëndësishme për ndryshime, shkruan Telegrafi (Maqedoni). Ai tha se asnjë proces politik nuk është realizuar pa pjesëmarrjen dhe përkrahjen e diasporës, duke sjellë shembuj si Universiteti i Tetovës dhe formimi i partive politike.

“Sensibilizimi i diasporës është kyç për ndryshime të suksesshme në Maqedoninë e Veriut. Në këtë mënyrë, ne mundësojmë kthimin e pjesës së diasporës për të jetuar në vendin tonë. Ju mund të komunikoni me njerëzit dhe të kërkoni përkrahjen e tyre për votën e 24 prillit, duke e cilësuar atë si çelësin për një fitore të madhe parlamentare më 8 maj”, tha Taravari.