Ambasadori gjerman: Më shumë se keqardhje që nuk është bërë progres për të pagjeturit në 3 vjetët e fundit

Foto Twitter: @GermanAmbKOS

Ambasadori i Gjermanisë në Kosovë, Jorn Rohde, ka thënë se për shkak të “bllokadës politike”, shpreh keqardhje që nuk është bërë progres për të pagjeturit në tre vjetët e fundit.

Përmes një postimi në rrjetin social “Twitter”, Rohde ka shkruar se ka ende nevojë për veprime për të zbardhur fatin e të zhdukurve gjatë luftës, trannsmeton albinfo.ch.

“Solidarizohem me familjet e personave të zhdukur. 25 vjet pas përfundimit të luftës në Kosovë, ka ende nevojë për veprim dhe shumë fate mbeten të panjohura. Është më shumë se për keqardhje që nuk është bërë asnjë progres në 3 vjetët e fundit për shkak të bllokadës politike”, ka shkruar ai.

Ndryshe, gjatë luftës së fundit në Kosovë, rreth 6,000 njerëz janë zhdukur, prej të cilëve mbi 1 mijë e 600 janë ende të pagjetur.

I join families of missing persons in solidarity on today's Missing Persons Day. 25 years after the end of war in 🇽🇰, there is still need for action & too many fates remain unknown. More than regrettable that no progress has been made in the last 3 years due to political blockade pic.twitter.com/KgNnrt6yfF

— Ambassador Jörn Rohde (@GermanAmbKOS) April 27, 2024