Cyrih: Valltarët e shoqatës kulturore “Plisat” i janë bashkuar aksionit bamirës “Tag der guten Tat”

Valltarët e shoqatës kulturore “Plisat” nga Dübendorf të shtunën i janë bashkuar aksionit bamirës “Tag der guten Tat”.

Aksioni është organizuar nga “BirdLife”, teksa bëhet fjalë për një fushatë që është organizuar në bashkëpunim me rrjetin e dytë më të madh të supermarketeve në Zvicër – Coop, transmeton albinfo.ch.

Sipas njoftimit, organizatorët duan ta përdorin këtë ditë për të promovuar dhe bërë të dukshme punën vullnetare në Zvicër, ndërsa me këtë rast, mijëra vullnetarë, mes tyre edhe valltarët e shoqatës kulturore “Plisat” nga Dübendorf, të veshur me kostume kombëtare, me plisat e bardhë, janë angazhuar për të bërë vepra të mira për shoqërinë ose mjedisin në rreth 50 aktivitete nëpër Cyrih.

Ndryshe, individë të ndryshëm, familje, klube, punonjës të Coop-it dhe madje edhe të figura të famshme zvicerane u përfshinë dhe bënë vepra të mira gjatë këtij aksioni.