Kurti, në stadium për ndeshjen Shqipëri – Kroaci

Mësohet se kryeministri i Kosovës, Albin Kurti, do të jetë në stadiumin e Hamburgut për ta përcjellë nga afër ndeshjen e “Euro 2024” mes Shqipërisë dhe Kroacisë, e cila luhet sot nga ora 15:00, përcjell albinfo.ch.

Në një njoftim nga Kryeministria të mërkurën, është konfirmuar se Kurti do ta ndjekë nga afër Kombëtaren e Shqipërisë.

Sipas njoftimit, ai po qëndron në Hamburg me ftesë të të dërguarit gjerman për Ballkanin Perëndimor, Manuel Sarrazin.

Bashkë me Sarrazinin, Kurti do ta vizitojë portin e Hamburgut “për të parë nga afër Sistemin e Skanimit të Ngarkesave me Rreze X në port”.

“Për të vazhduar më pas edhe në stadiumin e Hamburgut, në mbështetje të kombëtares shqiptare sot në përballje me Kroacinë, në kuadër të EURO2024”, thuhet në njoftim.

Kurti është takuar edhe me bashkatdhetarë.