Aksident i rëndë në Bazel: Një fëmijë shqiptar goditet nga kamioni dhe vdes

Pavarësisht se kaloi në zebra, i riu shqiptar u shtyp nga një kamion në Bazel

Pasditen e së premtes ka ndodhur një aksident fatal në Shën Johan, transmeton albinfo.ch.

Fëmija shqiptar thuhet se duke kaluar rrugën në vendkalimin zebra është goditur nga një kamion dhe është rrokullisur për disa metra. Fëmija ka ndërruar jetë në vendngjarje, shkruan policia kantonale në një deklaratë, transmeton tutje albinfo.ch.

Për shkak të hetimeve për aksidentin, Elsässerstrasse dhe Hüningerstrasse nuk ishin të aksesueshme deri rreth orës 15:30.

Policia është në kërkim të personave që mund të japin informacion për aksidentin. Policia kantonale dhe brigada e shpëtimit dhe zjarrfikësve të Basel-Stadt ishin gjithashtu në detyrë.

Burimet e albinfo.ch thonë se fëmija i vdekur është shqiptar nga Maqedonia, ndërkohë që sot e kishin ditën e nisjes për pushime në Kërçovë. /Albinfo.ch

 

---