Vdes shqiptari 39-vjeçar, pas një sherri në Leipzig

Dëshmitarët raportojnë për një burrë të plagosur rëndë në Eisenbahnstrasse në Leipzig. Më vonë ai vdes në spital. Policia po heton për një vrasje

Një 39-vjeçar ka vdekur në spital pas një sherri ku ishte përfshirë, në Eisenbahnstrasse, në Leipzig. Policia po heton për vrasje, ka thënë një zëdhënëse, transmeton albinfo.ch.

Dëshmitarët kishin parë të plagosurin rëndë të shtrirë në Eisenbahnstrasse një natë më parë dhe, sipas njoftimit, kanë alarmuar policinë. Sipas informacioneve, personi i plagosur, një shqiptar 39 vjeç, ka ndërruar jetë më pas në spital.

Sipas zëdhënëses së policisë, ka pasur një përleshje fizike – ende po hetohet nëse janë përdorur edhe armë. Fillimisht nuk ka pasur asnjë të arrestuar, shkruan agjencia gjermane e lajmeve DPA.

Sfondi i mosmarrëveshjes gjithashtu mbetet i paqartë për momentin. Për të siguruar gjurmët, zona e  rrugës Eisenbahnstrasse u mbyll përkohësisht gjatë natës.

 

---