Mërgimtarët, drejt pushimeve në Kosovë, kjo është gjendja në pikat kufitare

Foto nga arkivi

Bashkatdhetarë të shumtë kanë nisur të vijnë për pushime në Kosovë, shkruan albinfo.ch.

Të dhënat e fundit nga Qendra Kombëtare për Menaxhim Kufitar tregojnë se në pikat kufitare nuk raportohet për kolona dhe se hyrja në Kosovë mund të bëhet nga tre deri në pesë minuta.

Ditët e fundit, sipas Qendrës, thuhet se ka pasur fluks të ardhjeve nga mërgimi.

Qytetarët mund të informohen në kohë reale për gjendjen në vendkalimet kufitare duke klikuar këtu.

Ndryshe, nga data 1 korrik ka nisur edhe subvencionimi i policës kufitare për bashkatdhetarët që vijnë në Kosovë.

Polica e subvencionuar do të ketë vlefshmëri një muaj nga dita e lëshimit/hyrjes në Kosovë dhe është e vlefshme vetëm për automjetet jokomerciale për pasagjerë, deri në 9 ulëse

Subvencionimi nuk përfshin policat kufitare me afat vlefshmërie të ndryshëm prej atij njëmujor, dhe as automjetet si autobusët, kamionët, motoçikletat etj. Policat e sigurimit të marra në zyrat e BKS brenda territorit të Kosovës, e jo në pikat hyrëse kufitare, nuk mbulohen nga subvencionimi.

Kjo iniciativë e Qeverisë ka për qëllim lehtësimin e udhëtimeve për bashkatdhetarët që vizitojnë vendin gjatë sezonit veror.