Unterkulm, AG: Arrestohen dy kosovarë, pasi kanë thyer një bankomat

Të dy janë shtetas kosovarë të moshave 24 respektivisht 30-vjeçar, me vendbanim të përhershëm në Zvicër

Natën në mes së të martës dhe të mërkurës, më 17 korrik 2024, pak pas orës 2:30 të mëngjesit, qendra e thirrjeve emergjente kantonale e Aargaut mori një raport se disa persona sapo kishin tentuar të thyenin bankomatin në një garazh në Unterkulm, transmeton albinfo.ch. Më pas ata kishin ikur në këmbë drejt lokalitetit Teufenthal.

Disa patrulla nga Policia Kantonale e Aargaut dhe policia rajonale e Aargaut Jugor janë mobilizuar menjëherë për të kërkuar hajdutët.

Kur një patrullë nga Policia e Kantonit Aargau kontrolloi stacionin e trenit Teufenthal, policia dalloi menjëherë dy të dyshuar që përputheshin me përshkrimin e atyre që kishin dhënë sinjalin, shkruan polizeiticker.ch. Kështu, ata arritën t`i ndalonin dhe t`i arrestonin.

Të dy janë shtetas kosovarë të moshave 24, respektivisht 30-vjeçar, me vendbanim të përhershëm në Zvicër.

Ata janë arrestuar përkohësisht për hetime të mëtejshme.

---