15 vendet më të bukura në botë për t’u vizituar

Udhëtimet nëpër botë të japin një ndjesi dhe emocion të veçantë, sidomos kur bëhet fjalë për të parë e provuar eksperienca që nuk i hasim në vendin ku jetojmë.

Skyhook, faqja kushtuar udhëtimeve, bëri një sondazh për të zbuluar se cilat ishin vendet më të preferuara në botë për t’u vizituar.

Nga ky sondazh, 15 ishin ato që kryesuan top listën.

Vendin kryesor nga turistët e morën shtetet nga ku mund të shihen Dritat Veriore, si SHBA, Alaska, Minesota, Michigan, Maine dhe disa vende të tjera veriore.

Vendin numër dy e zuri ‘Trekking’ në shtegun e Inkave, për në Machu Picchu, vendi i tretë u pasua nga vizitat në ishujt Galapagos, më pas ngjitja në majën e Kilimanxharos, në vendin e pestë lundrimi në Antarktik, më pas eksplorimi i qytetit antik të Petrës, udhëtimi në kampin e Everestit, vizita në safarin e Afrikës, zhytje në “Great Barrier Reef”, udhëtim në hapësirë, “Trekking” me gorilla, vizitat në kanionin e madh të Arizonës, përjetimi i eksperiencës në balonat e Kapadokias, vizitë në pamjen mahnitëse të Angkor Wat në Cambodia, dhe në vend të 15-të u listua eksperienca e sërfit në Indonezi.