Vuçiq për hapjen e urës së Ibrit: Tash çdo gjë është fushatë për ta, pres provokime dhe probleme

NATO Kosovo Force - KFOR @NATO_KFOR, X

Presidenti serb, Aleksandër Vuçiq sa i përket hapjes së urës mbi Lumin Ibër, ka thënë se pret që përfaqësuesit e bashkësisë ndërkombëtare dhe ata të KFOR-it ta mbajnë fjalën dhe që hapje të urës mbi Ibër të mos ketë pa marrëveshje e pa vullnet të përbashkët.

Ai ka deklaruar se pret, provokime në veri, pas caktimit të datës së zgjedhjeve në Kosovë dhe mbajtjes së fushatës zgjedhore për çka u shpreh se pret që KFOR-i t’i përmbushë premtimet e detyrën e tij parësore në përputhje me rezolutën 1244, transmeton albinfo.ch.

“Jemi në kontakt të vazhdueshëm me përfaqësuesit e bashkësisë ndërkombëtare dhe KFOR-it, me të cilët kemi një bashkëpunim shumë të drejtë. Presim që ata mbajnë fjalën – se pa vullnet të përbashkët ura nuk do të hapet. Zgjedhjet në Kosovë janë shpallur për 9 shkurt dhe tashmë çdo gjë është fushatë për ta. Besoj se KFOR-i do ta përmbushë edhe premtimin edhe detyrën parësore në përputhje me rezolutën 1244”, ka thënë ai për mediat në Serbi.