Pasditja e së shtunës: Më pak pritje në pikat kufitare

Qendra Kombëtare për Menaxhim Kufitar në Kosovë, në përditësimin e fundit ka bërë të ditur se pasditën e sotme janë regjistruar më pak pritje nëpër pikat kufitare në daljë të Kosovës.

Nga dy deri në tre orët paraprake sa kanë qenë pritjet ditëve të kaluara dhe orët e paraditës së sotme, tashmë pritjet variojnë nga 30 deri në 40 minuta, transmeton albinfo.ch.

Pritjet më të gjata raportohet se janë në dalje të Kosovës te Muçibabë – nga 30 deri në 40 minuta.

Nga 20 deri në 30 minuta janë pritjet te Dheu i Bardhë dhe nga 10 deri në 15 minuta në dalje të Kosovës në Merdarë.

Nëpër pikat tjera kufitare nuk janë regjistruar pritje të gjata.