BBC: Në takimet e shefit të CIA-s me zyrtarët serbë në Beograd, më së shumti u fol për Kosovën

Në vizitën e fundit të shefit të CIA-s, William Burns, në Beograd, tema që është diskutuar më shumë është çështja e Kosovës.

Sipas raportimeve nga BBC në shërbimin serb, duke u referuar disa burimeve jozyrtare, temat kanë qenë më shumë politike.

”Temat me zyrtarët serbë kanë qenë më shumë politike sesa inteligjencë dhe në takime më së shumti është diskutuar për Kosovën, mëson jozyrtarisht BBC”, thuhet në raport, transmeton albinfo.ch.

Ndryshe, Kosova ka qenë destinacioni i fundit në vazhdën e këtyre vizitave të shefit të CIA-s.

Në Prishtinë, Burns u takua me presidenten e Kosovës, Vjosa Osmani, me kryeministrin e Kosovës, Albin Kurti dhe me shefin e Agjencisë Kosovare të Inteligjencës (AKI), Petrit Ajeti.