Shqipëria me çmime të larta të naftës, vendin e parë në rajon, të pestin në Evropë, të tetin në botë

(KEYSTONE/Christian Beutler)

Shqipëria po vlerësohet se është një nga vendet që ka çmimin më të lartë të naftës.

Sipas të dhënave nga platforma “Global Petrol Prices”, Shqipëria e ka vendin e parë në rajon, të pestin në Evropë, dhe të tetin në botë, transmeton albinfo.ch.

Në Shqipëri, sipas kësaj platforme, një litër naftë kushton 1.98 dollarë. Më së shtrenjti nafta kushton në Hong Kong, ku një litër kushton 3.14 dollarë, ndërsa vendin e dytë në listë e mban Monako me 2.34 dollarë për litër.

Në Shqipëri, përveç luhatjeve të çmimit të hidrokarbureve në bursë, taksat dhe tarifat të përfshira në çdo litër naftë dhe benzinë që tregtohet, vlerësohet se ndikojnë në ndjeshmërinë e lartë të rritjes  së çmimit të këtyre produkteve. Aktualisht, më shumë se 62 për qind e vlerës së një litri nafte dhe benzine përbëhet nga taksat vendore dhe qendrore, shkruan A2 CNN.