Arrestohet 26-vjeçari kosovar, mashtronte gjermanët përmes një call center

Foto: Landeskriminalamt Baden-Württemberg

Në një operacion të përbashkët mes autoriteteve të sigurisë në Kosovë dhe Zyrës së Policisë Kriminale Shtetërore të Baden-Württemberg (LKA BW) wshtw goditur një rrjet mashtruesish që veprojnë ndërkombëtarisht.

Kjo kompani operonte nga një qendër e thirrjeve në Kosovë dhe e specializuar në skemën e mashtrimit të njohur si “mashtrimi i rimëkëmbjes”.

Kjo formë mashtrimi u drejtohet veçanërisht njerëzve që tashmë kanë pësuar humbje përmes platformave mashtruese të investimeve në të kaluarën. Autorët pretendojnë se veprojnë në emër të autoriteteve të mbikëqyrjes financiare për të rimbursuar viktimat për paratë e humbura në këmbim të pagesës së një komisioni paradhënie. Megjithatë, në realitet, viktimat nuk marrin asnjë rimbursim dhe dëmtohen sërish financiarisht. Përkundër punës intensive parandaluese të policisë në Gjermani, qendra e thirrjeve që tashmë është çmontuar vetëm ka shkaktuar dëme prej të paktën 650 mijë eurosh.

Më 24 tetor 2024 është kontrolluar qendra e thirrjeve me pjesëmarrjen e oficerëve të LKA BW në Kosovë.

U arrestua drejtuesi i dyshuar i call center-it, një 26-vjeçar kosovar dhe u sekuestruan prova të shumta dhe disa armë zjarri pa leje.

Me këtë masë, autoritetet kanë arritur që rrjetit ndërkombëtar të mashtrimit t’i heqin bazën për krime të mëtejshme derisa vazhdon vlerësimi i provave dhe hetimet.