Qarkullonte me drogë, arrestohet 24-vjeçari shqiptar në Itali

Photo ilustrim

Raportohet se një 24-vjeçar me origjinë shqiptare ka rënë në prangat e policisë italiane, pasi qarkullonte me drogë në makinë. Sipas lajmeve italiane, karabinierët e prangosën të riun shqiptar dy ditë më parë me akuzën e posedimit të lëndëve narkotike për qëllime trafiku, përcjell albinfo.ch.

Mësohet se shqiptari u ndalua për një kontroll rutinë, teksa shfaqi shenja nervozizmi, duke ngritur dyshime të forta te efektivët. Menjëherë efektivët e policisë kanë ushtruar kontroll më të plotë në makinën e shqiptarit duke gjetur aty doza kokaine.

Mediat italiane raportojnë se 24-vjeçarit shqiptar iu gjetën disa doza kokainë dhe një shumë e madhe parash. Kjo ka çuar në arrestimin e tij të menjëhershëm nga autoritetet italiane.