Kosova, për herë të parë, renditet në vendin e 99-të në FIFA

EPA/VALDRIN XHEMAJ

Në përditësimin e sotëm të renditjes së kombëtareve më të mira nga shtëpia e futbollit botëror, FIFA, është bërë e ditur se për herë të parë në histori, Kosova është ngjitur në pozitën e 99-të.

Kjo është pozita më e lartë që Kosova e ka pasur ndonjëherë që nga pranimi në UEFA e FIFA, transmeton albinfo.ch.

Në ndeshjet e këtij muaji, Kosova mposhti Lituaninë 1:0, ndërsa me Rumaninë humbi me rezultat zyrtar. Ngjitjen në Ligën B, “Dardanët” do ta kërkojnë në plejofin kundër Islandës, kur do të luajnë më 20 dhe 23 mars.

Në anën tjetër, Shqipëria nuk ka lëvizur nga vendi i 65-të pas barazimit ndaj Çekisë dhe humbjes nga Ukraina.

Argjentina është e para, ndiqet nga Franca, Spanja, Anglia, Brazili, Portugalia, Holanda, Belgjika, Italia dhe Gjermania.