Arrestohet edhe një i dyshuar për sulmin në Ibër-Lepenc

Policia e Kosovës ka njoftuar se në orët e mbrëmjes së 1 dhjetorit është arrestuar edhe një i dyshuar për sulmin në kanalin e Ibër – Lepencit.

Sipas njoftimit, të dyshuarit me iniciale J.V., me urdhër të Prokurorit përgjegjës të Prokurorisë Speciale, i është caktuar masa e ndalimit policor prej 48 orëve, transmeton albinfo.ch.

Tutje, bëhet e ditur se në bashkëpunim dhe koordinim të plotë me Prokurorinë Speciale, është zbatuar kontrolli në shtëpinë ku banonte i dyshuari, me ç’rast janë sekuestruar dëshmi dhe prova materiale, si më poshtë:

• Katër granata dore
• Një pushkë gjuetie
• Mbi 500 copë municion të kalibrave të ndryshëm
• Dy karikatorë të armës automatike AK-47
• Një karikator i pushkës së gjatë
• Një radiolidhje
• Një palë dylbi
• Një kamerë kamufluese
• Uniforma ushtarake dhe dokumente të ndryshme.