Mali i Zi paralajmëron qytetarët: Kujdes, na presin erëra deri në 100km/h

Foto ilustrim @unsplash

Ministria e Punëve të Brendshme e Malit të Zi ka paralajmëruar se sonte në vend priten të fryjnë erëra me shpejtësi deri në 100 kilometra në orë.

Drejtoria për Mbrojtje dhe Shpëtim të Ministrisë së Punëve të Brendshme ka dërguar një paralajmërim për të gjithë pjesëmarrësit në sistemin e mbrojtjes dhe shpëtimit dhe ka theksuar nevojën për ngritjen e gatishmërisë operacionale, transmeton albinfo.ch.

Sipas njoftimit, paralajmërimi erdhi bazuar në të dhënat e Institutit për Hidrometeorologji dhe Sizmologji të Malit të Zi.

Tutje bëhet e ditur se sonte dhe në dy deri në tre ditët e ardhshme, në Mal të Zi priten erëra të forta veriore dhe verilindore me shpejtësi deri në 100 kilometra në orë. Priten reshje kryesisht të dobëta deri në mesatare, me borë në shumicën e rajoneve kontinentale të Malit të Zi, dhe shi në bregdet.