Një qendër tregtare në Suharekë përfshihet nga flakët

Screenshot

Një zjarr ka përfshirë qendrën tregtare ETC në Suharekë.

Zëdhënësi i Policisë për rajonin e Prizrenit, Shaqir Bytyqi, ka bërë të ditur se është raportuar për përfshirjen e qendrës tregtare nga zjarri të dielën rreth orës 6:17.  Në vendin e ngjarjes janë zjarrfikësit, policia dhe KEDS-i.

“Sot më datën 20.01.2025, rreth orës 06:17 është raportuar se ka shpërthyer një zjarr në qendrën tregtare ETC në Suharekë. Zjarrfikësit, policia dhe KEDS kanë dalë në vendngjarje.  Zjarri ka marrë përmasa të mëdha, dhe zjarrfikësit po punojnë në shuarjen e tij. Për momentin është arritur të eliminohet rreziku që zjarri të përhapet më tutje. Si pasojë e zjarrit janë shkaktuar dëme të mëdha materiale, por të lënduar nuk ka të raportuar deri më tani. Policia do ta hetojë rastin si incident zjarri”, ka njoftuar Bytyqi për KOHËN.

“Disa biznese janë përfshirë në rrezik nga zjarri.  Po mundohemi ta lokalizojmë me kapacitetet që i kemi”, ka shkruar Muharremaj në Facebook.