Shqipëri: Arrestohen 4 persona, mashtronin të huajt për të investuar në bursa fiktive

Policia e Tiranës ka zbuluar një tjetër ambient të përshtatur si call-center, me anë të cilit disa persona mashtronin shtetas të huaj, përmes telefonit, për të investuar në bursa fiktive.

Në kuadër të operacionit të koduar “Location 1”, u vunë në pranga 6 shtetas si dhe u procedua 1 tjetër.

Si rezultat i këtij operacioni, u bë arrestimi në flagrancë i shtetasve: A. K., 25 vjeç, S. S., 26 vjeç, S. M., 22 vjeç, E. H., 30 vjeç, B. I., 25 vjeç dhe S. Ll., 29 vjeç, të gjithë banues në Tiranë.Gjithashtu, u procedua penalisht shtetasi M. D., 20 vjeç.

Këta shtetas, gjatë ndërhyrjes nga shërbimet e Policisë, janë kapur në flagrancë gjatë kohës që mashtronin shtetas të huaj, duke i nxitur të investonin në bursë fiktive, me qëllim për të rimarrë paratë që këta kishin humbur më parë po me të njëjtën mënyrë mashtrimi. Ata e ushtronin këtë aktivitet  në ambientin e përshtatur si call-center në rrugën “Dritan Hoxha”/euronews