Dardani, djali i Heroit Mehë Uka, Rreshter në Ushtrinë Austriake

Dardan Uka ishte një nga katër oficerët më të suksesshëm të gjeneratës, të graduar më 28 hhkurt në Enns, Austri

Në ceremoninë solemne që u zhvillua më 28 shkurt në sheshin kryesor të qytetit Enns, rreth 400 ushtarë dhe ushtare u pranuan në Forcat e Armatosura të Republikës së Austrisë.

Gratë dhe burrat morën gradën e tyre të parë të nënoficerit, „Rreshter“, shkruan në një postim në fb veprimtari nga Austria, Fatmir Osmani.

Dardan Uka ishte një nga katër oficerët më të suksesshëm të gjeneratës.

“Krenari dhe kënaqësi është të shohësh sesi shqiptarët që jetojnë në Austri po integrohen dhe fuqizohen në të gjitha shtresat e shoqërisë austriake.

Dardani, i cili është djali i Heroit të Kombit, Mehë Uka – të vrarë nga serbët më 29 dhjetor 1996 në Lushtë, rruga Skenderaj-Mitrovice, do të jetë oficeri i parë shqiptar-austriak në Republikën e Austrisë.

Ai me këtë rast shprehet: „Heroizmi i babait tim për liri është udhërrëfyesi im për t’i shërbyer me krenari një ushtrie dhe një populli, i cili gjatë gjithë historisë së tij ishte aleat besnik i lirisë dhe pavarësisë së shqiptarëve“.

Video: 28 Shkurt 2025 „Dita e Rreshterëve“ në sheshin kryesor të Enns-it

https://youtu.be/454baHicMSU?t=3052

---