Krasniqi: VV po e zvarrit seancën për të bërë pazare politike

Edhe kryetari i Partisë Demokratike të Kosovës, Memli Krasniqi, ka akuzuar Lëvizjen Vetëvendosje për zvarritje të qëllimshme të seancës konstituive të Kuvendit, me synim arritjen e marrëveshjeve të brendshme politike për formimin e institucioneve, përcjell albinfo.ch.

Pas ndërprerjes së seancës së enjte dhe caktimit të saj për 19 prill, Krasniqi tha se VV-ja nuk ka shumicën parlamentare, prandaj po përpiqet të fitojë kohë.

 “Sot ka pasur uzurpim partiak… Partia që ka qenë e para në mënyrë të organizuar kanë ardhur për të penguar skenarin e seancës… Është krijuar një kaos i madh, dhe të drejtat për të arritur qëllimet partiake janë shkelur. Ata, jo që nuk kanë shumicë por s’janë as afër shumicës, i ftoj që të mos e mbajnë peng themelimin e institucioneve, dhe afatet kushtetuese, por të vijnë në seancë dhe të votojnë. Nuk mund të sillen me këtë shpërfillje, është për keqardhje, por pati një shpërfaqje të një fakti që ata nuk kanë shumicë parlamentare dhe dëshirojnë të blejnë kohë edhe 48 orë për të bërë pazaret e tyre” ka thënë Krasniqi.