Deri në dy orë pritje për të dalë nga Kosova

Foto nga arkivi

Kanë vazhduar kolonat e gjata në pikat kufitare për të dalë nga Kosova.

Sipas përditësimit të fundit të të dhënave nga Qendra Kombëtare për Menaxhim Kufitar, pritjet për të dalë nga vendi janë deri në dy orë, shkruan albinfo.ch.

Në pikën kufitare në Merdarë, pritjet variojnë nga 90–120 minuta, ndërsa kolona arrin deri në 700 metra.

Në pikën kufitare në Dheu i Bardhë, pritjet janë 20–30 minuta.

Pikat e tjera kufitare janë më lehtë të kalueshme, me pritje që shkon vetëm deri në pesë minuta.