Kosovë, policia bastisë shtëpitë e “rastit Kumanova”

Derisa aksioni po vazhdon, zyrtarë të policisë konfirmojnë bastisjes dhe tregojnë se kanë marrë fotografi dhe kanë grumbulluar dëshmi të tjera për shkaqet e përfshirjes në konflikt

Policia e Kosovës pafilluar një aksion për bastisjen e shtëpive të të gjithë kosovarëve të cilët u përfshinë në rastin e Kumanovës. Derisa aksioni është duke vazhduar, zyrtarë të policisë konfirmojnë bastisjes dhe tregojnë se kanë marrë fotografi dhe kanë grumbulluar dëshmi tjera për shkaqet e përfshirjes së këtyre personave në konflikt.

Po ashtu, edhe familjarë të këtyre personave kanë treguar për Express se kanë nënshkruar proces verbalet e policisë ku janë marrë dëshmitë e tyre.

Derisa në fillim ishte e paqartë se kush janë pjesëmarrësit në aksionet ekstremiste në Maqedoni, pas përleshjes së armatosur në Kumanovë u zbulua se një numër i madh i grupit të armatosur janë nga Kosova. Për tre po jepen dëshmi se janë vrarë dhe për shumë të tjerë të arrestuar.

Ajo çka ka mbetur e paqartë, është arsyeja se pse këta persona u përleshën me policinë maqedonase në një lagje të banuar me shqiptarë në Kumanovë, ku për pasojë 22 persona u vrarë dhe dhjetëra të tjerë u plagosën.