Nuk kalon propozimi për Komisionin që mundëson votim të fshehtë

Dështon përpjekja e dhjetë për konstituimin e Kuvendit

Për herë të dhjetë, të shtunën, dështoi përpjekja e konstituimit të Kuvendit. Ashtu si të enjten, edhe seanca e sotme nisi me votimin për krijimin e një komisioni ad-hoc për votim të fshehtë, por mori vetëm 54 vota. Kryesuesi, Avni Dehari, e mbylli seancën për mungesë kuorumi. Seanca e radhës do të mbahet të hënën, në orën 10:00.

Procesi i konstituimit të Kuvendit ka ngecur te zgjedhja e kryetarit të Kuvendit. Në seancën e sotme nuk kaloi propozimi i kryesuesit Avni Dehari për formimin e Komisionit Zgjedhor për Kryetarin e Kuvendit, që do të mundësonte votim të fshehtë. Pas kësaj, seanca u ndërpre.

Zgjedhjet parlamentare janë mbajtur më 9 shkurt 2025, dhe ende nuk kemi Kuvend të konstituuar.

---