Osmani, mirënjohëse për mikpritjen që ia bëri kryeministri i Malajzisë

Presidentja Vjosa Osmani është shprehur mirënjohëse për mikpritjen e jashtëzakonshme të kryeministrit të Malajzisë, Anwar Ibrahim, në kompleksin qeveritar Seri Perdana në Putrajaya.

Përmes një postimi në Facebook, e para e vendit veçoi disa nga momentet më kulminante të kësaj dreke zyrtare, përcjell albinfo.ch:

“Një mikpritje e jashtëzakonshme nga kryeministri Anwar Ibrahim gjatë drekës zyrtare në kompleksin qeveritar Seri Perdana në Putrajaya. Elementet e pasura të kulturës malajziane — nga produktet tradicionale e deri tek vallet plot ngjyra — të ndërthurura mjeshtërisht me tingujt e muzikës së bukur shqipe, e bënë këtë drekë zyrtare edhe më të veçantë. Faleminderit, Malajzi!”