Tifozat Kuq e Zi: “Nuk ka pajtim mbi gjakun e 13 mijë shqiptarëve”

Tifozët Kuq e Zi, të shtunën në rrjetet sociale, kanë publikuar disa fotografi me mbishkrime të ndryshme.

Në njërën prej fotografive shkruhet: “Nuk ka pajtim mbi gjakun e 13 mijë shqiptarëve.” Ka edhe disa fotografi me mbishkrime si “historia nuk harrohet për një evropian”, “fëmijët tanë nuk panë evropian, panë luftë” e disa të tjera.

Tifozët Kuq e Zi nuk do të jenë të pranishëm në tribunat e stadiumit “Air Albania” në Tiranë për ndeshjen Shqipëri – Serbi, që luhet sonte nga ora 20:45.

Dueli Shqipëri kundër Serbisë i takon kualifikimeve për Kupën e Botës 2026.

Interesimi për ta përcjellë nga afër ndeshjen Shqipëri – Serbi është shumë i madh. Stadiumi pritet të jetë i stërmbushur.