Tragjedi në familjen kosovare në Kanada: Nënë dhe bir dyshohet se u mbytën në pishinë

Ilustrim

Një ngjarje tragjike ka tronditur komunitetin shqiptar në Kanada. Një nënë e re dhe djali i saj kanë humbur jetën, dyshohet si pasojë e mbytjes në një pishinë.

Lajmin e ka konfirmuar kryetari i komunës, Bashkim Ramosaj, i cili shprehu dhimbjen e thellë për humbjen e bashkëqytetares E.Ramosaj dhe djalit të saj, Elonit.

“Na e keni vrarë zemrën sot! Lagjja jonë do të ndjejë mungesën e buzëqeshjes dhe mirësisë tënde,, dhe të birit tënd,” ka shkruar Ramosaj në rrjetet sociale.

Ai konfirmoi për mediat se djali kishte rënë në pishinë dhe nëna kishte hyrë për ta shpëtuar, por fatkeqësisht asnjëri nuk kishte mundur të dilte i gjallë.

Tragjedia raportohet se ka ndodhur në lagjen Lachine të Montrealit, të martën në mbrëmje. për këtë tragjedi ka reaguar edhe kryetarja e Lachines, që ka dhënë të njëjtin përshkrim për ngjarjen.

Autoritetet kanë konfirmuar vdekjen e të dyve në vendngjarje.

Policia ende nuk ka dhënë një deklaratë zyrtare në lidhje me rastin.