Rihapet për qarkullim rruga për te pika kufitare në Merdarë

Rruga që të çon në pikën kufitare Merdarë është rihapur për qarkullim, pasi është përfunduar bllokada e përkohshme nga qytetarët në territorin e Serbisë. Lajmi është konfirmuar nga Qendra Kombëtare për Menaxhim Kufitar.

“Qarkullimi tashmë është i lejuar në të dy drejtimet. Luten të gjithë pjesëmarrësit në trafik të qarkullojnë me kujdes të shtuar, për shkak të sigurisë dhe mundësisë së vonesave të lehta”, thuhet në njoftimin zyrtar.

Bllokada kishte pamundësuar kalimin e lirë të automjeteve dhe kishte shkaktuar radhë të gjata në të dy anët e kufirit. Autoritetet u bëjnë thirrje udhëtarëve të informohen në kohë reale për gjendjen në pikat kufitare.