Një ide e re në Zvicër që foshnjat të marrin pensione afro 8 mijë euro në vit

Llogaria do të jetë në emër të fëmijës, i cili do të bëhet pronar i plotë me arritjen e moshës madhore.

Deputeti Andri Silberschmidt ka paraqitur një mocion në parlament duke kërkuar që prindërit të hapin një llogari pensioni 3a për foshnjat e tyre pas lindjes, përcjell albinfo.ch.

Sipas propozimit të tij, shuma maksimale që do të paguhet do të jetë në përputhje me planet individuale të pensioneve të punonjësve, aktualisht deri në 7,258 franga në vit.

Llogaria do të jetë në emër të fëmijës, i cili do të bëhet pronar i plotë me arritjen e moshës madhore.

“Pavarësia financiare nuk fillon me jetën e punës; ajo mund të inkurajohet që në një moshë shumë të re”, tha Silberschmidt.

Me kontribute të tilla të hershme, kapitali i akumuluar do të lejonte “të ndërtoheshin shuma të konsiderueshme gjatë disa dekadave”, theksoi ai, duke shtuar se “dikush që investon 3 franga në ditë në një fond aksionesh mund të ketë, 65 vjet më vonë, një milion në llogarinë e tij”.

---