Zvicër: Shumica e punëtorëve duan që kompanitë të publikojnë pagat

(KEYSTONE/Christian Beutler)

Gjithmonë është parë si tabu në Zvicër, por një sondazh tregon se njerëzit duan që kjo të ndryshojë, veçanërisht gratë.

Të dish sa fitojmë të gjithë.

Një studim nga gazeta Blick tregon qartë se punëtorët duan më shumë transparencë në paga.

Kjo është veçanërisht e vërtetë për ata me paga më të ulëta. Më shumë se gjysma e punëtorëve do të donin që kompanitë e tyre të publikojnë pagat. Ata që fitojnë mbi 10 mijë CHF në muaj janë më pak të prirur, transmeton albinfo.ch.

Shumë mendojnë se nuk po paguhen aq sa meritojnë. 43 për qind e grave kanë këtë mendim krahasuar me 28 për qind të burrave. Hendeku midis atyre që fitojnë më shumë dhe atyre që fitojnë më pak po zgjerohet. Të ardhurat e larta janë rritur me 40 për qind gjatë 20 viteve të fundit, ndërsa pagat e ulëta janë rritur vetëm me 12 për qind.

Shifrat qeveritare tregojnë se rreth 65 për qind e atyre që fitojnë më pak se 4 mijë CHF në muaj janë gra.

Shumë mendojnë se më shumë transparencë në paga do të ndihmonte në uljen e pabarazisë.