Shqiptarët në Maqedoni të përjashtuar nga anketa zyrtare për diasporën

Albert Hyseni's

Bashkimi Demokratik për Integrim në Maqedoninë e Veriut ka reaguar ashpër ndaj asaj që e cilëson si një përjashtim të qëllimshëm dhe diskriminues të shqiptarëve nga anketimi i diasporës, i titulluar “Anketa për diasporën maqedonase 2025”.

Sipas BDI-së, ky veprim përfaqëson një diskriminim sistematik dhe institucional, ku diaspora shqiptare injorohet tërësisht si kategori qytetare e barabartë në Republikën e Maqedonisë së Veriut, transmeton albinfo.ch.

“Qeveria aktuale ka vendosur të përjashtojë shqiptarët dhe komunitetet tjera jo-maqedonase duke i reduktuar politikat publike për diasporën vetëm në përkatësinë etnike maqedonase,” thuhet në reagim.