Deri dy orë e gjysmë pritje te Dheu i Bardhë, zgjaten pritjet edhe nëpër pikat tjera në hyrje të Kosovës

Foto nga arkivi

Qendra Kombëtare për Menaxhim Kufitar në Kosovë, në përditësimin e fundit të gjendjes nëpër pikat kufitare në hyrje dhe dalje të vendit, ka bërë të ditur se po vazhdojnë pritjet e gjata për ata që duan të hyjnë në Kosovë.

Pritjet më të gjata vazhdojnë në pikën kufitare te Dheu i Bardhë, deri në dy orë e gjysmë për të hyrë në Kosovë dhe 50 minuta për të dalë nga Kosova, transmeton albinfo.ch.

Pritje të gjata për të hyrë në vend janë regjistruar edhe në pikat Bërnjak (30 deri në 40 minuta), Hani i Elezit (deri në 30 minuta), Jarinjë dhe Muçibabë (deri në 20 minuta).